Aluunnguaq Oqaloqatinginnittarnerit ingerlatereernerini misingisartakkakka tupinnartuupput. Aallartikkatta imminut ilisimaaralunga oqartarpunga. Eqqarsaatimali taama isumaqartissimangunaannaavaannga, isumaqaraluaramami taamaattoq. Oqaloqatingiittarnitsinnili misingisalerpara timikkut, tarnikkut, anersaakkullu ataasiunera, piviusumillu imminut ilisimaariartornera tassanngaanniit aallartippoq. Timinni timima sulinera tusarnaarsinnaanngorlungu allaat. Eqqarsaataannakkuunngittoq, misinginerisingulli. Tassani aattaavissuaq  “imminut atassuteqarfingilluarneq” misingisalerpara . Imminut takusinnaalerpunga - Imminut tusarnaarsinnaalerpunga -Killilersuutingisartakkakka takulerpakka - Imminut asaneq paasivara - Imminut pingaartinneq paasivara - Naleqassusera takuara - Timera tusarnaarsinnaalerpara. Aqqutaa tamaaviat tamaat piareersimajuaannarnerit qujamasuutingeqaara. Sumilluunnit saaffingisinnaanikuuakkit, Sukkulluunniillu saaffinginniffinni akissutissaqartuaannavinnikuunerit qujamasuutingeqaara. Oqaloqatingiittarnitsinni misingisimajuaannarnikuuvunga qitiullunga, tamarpillu imminut tunniullutit aqqutissiuussisarnitit nalitoqaat. Kalaaliuvutit inoqatinnut kikkuungaluanut imminut tunniullutit ilumoorullungulu sullisserusuttoq. Qujanaq aqqutissiuussinernut nalituumut. Siunissami ajunnginnerpaamik kissaappakkit.

Lea qujanarujussuaq inoqaternut ikiuerusullutit imminut nittarsaakkavit, qujanaq ujaramma qujanarlu nassaarigakkit. Arnarpassuit ilittut ittumik atorfissaqartitsipput. Inuunermi sakkussat pingaarutillit tunniussuukkakkit qujanaq, qujanaq inuuninni nakkaqqanerpaasunga qaqiniarninni nukinnik inuunermi sakkussanik tunniussuigavit. Imminut pingaartinnermik, imminut paarilluarnermik, killiliinermik, inuunerlu nuannersoq nammineq nassaarinissaanik. Qujanaq inuuneq nuannarisarput nammineq ilusilersoqqullugu qaammarsaajuaravit. Massakkut nukissaqarneroqaanga, uumap ingerlanerani angusaqartutut assut misigisimavunga, qilanaarlunga siunissaq nammineq ilusilersornissaanut. Inuuneq ingerlammat nakkarfissaqartarmallu, nalunngilara uunga peqqissangaluaruma saaffissaralutit. Maqaasinassaqaatit qanorli taamannaannaq. Qujanarujussuaq sulinerit pingaartillugu arnarpassuit ikorfartorlugillu aqqutissiuukkakkit.

Hej Lea, qujanaq.

Qujanaq ukioq ataaseq qaangiummat piffissaqarfigalunga sakkussannik tunioraramma.

· Paasivara imminut isumakkeerfigeqqusaallunga, imminut asaqqusaasunga, imminut ataqqisinnaasunga.

· Paasivara ullut tamaaviisa imminut asaneq ilinniagassaasoq.

· Paasivara killiliisinnaallunga inunnullu allanut nalimmassartariaqanngitsunga.

· Paasivara nakkaqqaguma imminut qanoq qaqiseqqissinnaanerlunga.

· Paasivara nipeq nakkarsaasoq namminiusoq, aqunneqarsinnaasorlu inuuninnut sunniinera annikillisikkumallugu, tamannalu sungiusagassaasoq.

· Paasivara nammineerlunga aamma sakkussanik ujarlersinnaasunga.

Siornatigut ulluinnarsiutigisimavara imminut peqqinnanngitsumik oqaluuttarneq, oqarsinnaanngilanga nipi taanna nipaarunnikuusoq, kisianni nipi taanna mumisissinnaalernikuuara ajunngitsunut saatsisinnaalersimallugu. Aqqut taanna ajornanngitsuunngilaq, soorlu illit oqarnittuut ullut tamaaviisa sungiusagassaasoq imminut piffissaqarfiginermi imminullu naalaarnermi.

Sakkussat imminut asanerulernermi aammalu imminut naalaarnerulernermi tunniussimasatit uku ullut tamangajaasa aallunniartalernikuuakka:

1. Qujamasuutikka pingasut allattaavinnut allattorlugit.

2. Nerisassat inuussutissartaqarluartut peqqinnartut nerinissaat.

3. Minnerpaamik 5 min. mediterernissaq.

4. Oqaaseqatigiit ”uanga naammappunga” paasillugit upperalugillu qarasannut tarninnullu pulasisinnaalernissaat.

Taakkuinnaanngillalli, sakkussanik amerlasuunik ullumikkut inuuninnut sunniingaatsiartunik aqqutissinuunnikuuarma, qularinngilaralu inuunerma sinnera atorluarumaarlugit.

Lea qujanaq illiugavit, pikkoreqaatit neriuppungalu qaamanerit malillugu taamatut nuannersumik inuunermilu allannguingaatsiartumik sunniisarnerit aallutiinnassagit.

"Uummammik pisumik qujamasuutigeqaara Lea Holm - Seqineq oqaloqatigisalersimagakku. Suli oqaloqatigisarnerani inuttut ineriartorujussuarnerma qanoq ersaritsiginera takuara. ✨Qujamasoqaanga inoqarmat Leamik. Inunnguaq suliaminut tunniusimanermigut sullitami sikkernissaanik aqqutissiuussisoq. Oqanngisaannarpoq imaaliorit, oqaatsilli atortagaani oqaaseq uannut sunniinerpaaq tassaavoq: pimoorukkukku allanngorumaarputit. 🌱 Oqaloqatigisalerakku inuttut inissisimaffinni inuuneq qaammaqqissinnaanngitsutut nuannaaleqqissinnaanngitsutullu eqqarsartarpunga. Avatangiisinni pisut aallaavigalugit imminut qanoritsissanerlunga aaqqissuuttarsimallunga paasiartulerakku, peqqinnartumik imminut atassuteqarfiginissannik aqqutissiuullunga suliassittalermanga apeqqusernikuuara. Aamma kingorna inuttaanut oqaatiginikuuara iluaalliorsimallunga. Sunaaffa allanngorneq taamatut misigineqartarsimavoq. Sungiusimanikuunnginnakku imminut atassuteqarfigineq soorunami nalunaqqaarmat nutaajummallu toqqissisimanarinngeqqaarnikuuara. Piffissap sivisuup kisianni eqqarsaatigalugu "annikittup" iluani inuttut ineriartorujussuarsinnaanerma kinguneraa aliasunneq, kamanneq misigissutsillu kamaap aliasunnerullu "ilaqutai" suli atortaraluarlugit tikilluaqqusinnaalerneri. Sulimi nuannaartarlungalu aliasuttarpunga kamattarlungalu. Kisianni inissaqartitsisalerama, uippallertarunnaarpunga ajornartorsiutaasorisannik aaqqiiniapiloortarunnaarlunga. Paasisara unaavoq, takkuttarput aamma peeqqittarput. Oqik🌿 Aappaattut, iluaqutiginerpaasara tassaavoq Leap oqaloqatigiinnerput killiffiga aallaavigalugu suliassannik imaluunniit atorsinnaasannik sakkussannik nassittarmanga. Taannaavoq killiffimmiit killiffimmut nikeriartarnera, utersaalaariarlungalu nukittuninngorlunga alloriaqqissinnaalertarnera. Nassiussaalu piumaguma uterfigeqqissinnajuaannarakkit. ❤️ Imminut peqqinnartumik atassuteqarfigisinnaalernera tunissutaavoq uannut. Taannalu avatangiisinniit aamma malugineqarsinnaavoq. Sapersorisakka, killilersuutikka amerlasuut peerpakka - sunaaffa angusinnaasakka eqqarsartaatsima allanngortikkiartuaaneratigut suulluunniit kissaatikka piviusunngortissinnaallugit. Imminut piumaffigineq nukiusoq timitarsivara. Minnerunngittumik peqqinnanngittut suulluunniit killilersinnaaleriartorpakka. Ilaqutariinnermik pilersitseqatigisimasannik annaasaqarninni, imminut nutaamik ilinniaqqittussanngorninni nakkangarujussuarneq qaangertussaanngittutut misiginikuusara qaangersinnaallugu paasigakku eqqarsarpunga taama sakkortutigisumik aqqusaagaqarsinnaaguma, nuannaarneq qaamanerlu misigeqqissinnaalernikuugakkit taava sunaluunniit qaangersinnaavara. ❤️

Lea - QUJANAQ, suliarni inuttullu angusaqarluarlutit ingerlalluarnissarnik kissaappakkit.

Qujanaq inuiaqatigiinnut kalaallinut aqqutissiuisuugavit - qularinngilluinnarpara kisima taamak eqqarsarnanga pisariaqartikkatsigu eqqarsartaatsitigut inuttullu nukittuutut inissisimalernissarput ersigata saperata ✨ Inuttut ineriartorujussuarnera nuannaarutigeqaara. Ukiut tallimat qaangiussimalerput oqaqqaarama atornerlugaanikuullunga, taamanilu kammalaatit ilaquttallu soorunami aalassassimaaqaat. Uangali nakkaannarusussimanngilanga oqartuarlunga “ajornavianngilaq qaangiukkumaarpoq imminut ajugaagaaffigissaanga, nalunngilara kisima tamanna aqqusaarnikuunagu, inuusuttoqatinnut kalaallinullu takutissavara qanorluunniit aqqusaagaqarsimatigigaluaraanni ajunngitsumik inuuneqartoqarsinnaasoq”. Oqaatsilluunniit tamakkua puujoraluarpakka imminut ineriartortillunga pinissama tungaanut. Ullumikkut angusara nuannaarutigeqaara sunaaffa taamak inuuneq oqinnerulluni ingerlasinnaavoq 🥹✨ Inuuneq nammineq takorloortuarsimasara misigisaniik pituttorsimagani inuuneq ❣️ QUJANAQ ✨

Asasara Lea. Qangali malugisarlugu qamani ilorpianni nassuiaruminaattumik eqqissiveqanngiusattumik, naakkut misigissutsikkut timikkut, uannullu isiginnittariaatsinnut sunniisartumik, uannut annertuumik killiliisinnaasartumik. Imminut ataqqinnginneq imminut asannginneq imminut naleqartinnginnermik kinguneqakkajuttartumik. Sukkuunerpoq nalunngittuaannarsimavara inoqatinnut tunniussinnaasakka, minnerunngittumillu uannut paarinissamik piginnaasaqarneq pittaanerusinnaasut, taannalu ujartorlugu ukiut arlallit ingerlanerini assigiinngittunik ilitsersuisinnaasut oqaloqatiginnissinnaasut saaffigisarsimavakka imatut annertunerusumik sunniinerannik malussassanaga, amerlanertigullu piffissap sivikittup iluani iluaqutaasinnaasartut. Ajoraluartumik aallartiffigisannut uteqqqittuaannarlunga. Lea oqaloqatigisaleqqaarakku naalaarneqarneq paasineqarneq akuersaarneqarneq annertoorujummik misigisarsimavara, toqqissisimanarisannik. Imminut inuttut paasinniinnarani kisianni aamma nammineq misilittakkani oqaluttuarisinnaasarpai, (imatut misigititsigani imminut saatitsiniaalluni), kisianni paasitinniarlugu kisimiinnginninnik. Misigisaqarsimaguma annernartumik, qaangeruminaattutut misigisannik, annernaraluartoq qujaffiginissaanut piginnaasat nukinut saatinniartarpai, misigisaq nukittunnguutiginissaanut siunnerfeqartumik. Tamannalu anguniarlugu suliakkiisarnera, aallarteqqaaratta imatut pimoorullugu suliarisanngeriarlugit, Lea-lli paasitimmaga qanoq pingaaruteqartigisoq suliakkiissutit suliarisarnissaat, timitalernissaat ingerlariaqqissaguma. Qaatulerlunga suliakkiissutit(suliakkiissutaanngikkaluarput, Lea-lli siunnersuutitut tulluartutut tunniussai) timitalerlugit oqaloqatigiiinnissatta tullianut suliarisalerakkit peqqissiminanngeqaaq. Tassani paasigakku ileqquliussat pigiliutiinnakkat annertuumik inuuninnut sunniuteqarsimasut. Suliakkiissutit ilaat, uanga iluaqutigisara pisoq aaliangersimasoq annertuumik uannut upperinnginnermik sunniuteqarsinnaasutut nalilertagara pisoq pinnginnerani eqqartornerani paaseriataarakku sapinngisannguara tamaat atorlugu tunniussisinnaavunga, allamik annertunerusumik piumaffigisinnaanngilaga uannut. Ileqqut imminut paasinneriaatsimut aammalu misigissutsinut tunngasut. Tunngaviusumik inissitama pingaarnersarivaat misigissutsit aqunneqarsinnaaneri taavalu kinaasutsinnut tunnganngilluinnarneri. Aammalu maannakkut pisut eqqumaffiginissaat, "massakkumiinnissaq". Kingullertut imminut "qulaaniik" takusinnaanissaq, eqqarsaatit misigissutsillu tunuaallalaarluni nalilersulaarnissaat, ilumut pisumut attuumassuteqarnersut. Assut uisitsinikooqaaq.Oqaloqatigiinneq kingulleq pimmat ataasinnguamilluunniit ernumaamminngilaga, tassali sakkut Leap tunniunnikuusai "qiteralinnut" ikkussimaruttormata, toqqissisimanaruttormat, soorlu angerlaannarluni :-) Qujaqqillunga ajunngittunnguugina sulilluarinalu.

Aluunnguaq ❤ Siullermik qujanarujussuaq piumasaqaatitalinnik suliassanillu ersarissunik ilanngussuisaravit eqqarsartariaatsima allanngoriartornissaanut iluaqutaanikooqisunik 🥰 Illiusimavoq uanga inuuninni pisariaqartissimaqisara nukimmik pittaasumik siaruarterisoq aqqutissiuisorlu 💖 Nukillu taannaasimavoq nukik pittaasoq inuuninni allannguinissannut nukittorsaatinga uannut tunniussuunneqartoq takutinneqarluni malungitinneqartoq allaat avatangiisinnut ingerlateqqissinnaasara siammartersinnaasaralu 💖🌿🌱⭐🥰 Seqineq / Lea tamanut qujanaq inuunerup nuannersorsuup ingerlaqqiffinginissaanut tasiorlungalusooq aqqutissiuiffingisinnaangamma 💖🙏🦋🌱

Lea pinngitsoorsinnaanngilanga qujaqqissallunga, coachinngit ingerlannerannut uannut tunniussarnut taarserneqarsinnaangitsunut, qujanarujussuaq. Lea attaviginikuuara stress, angst, depressionilu sunaaffa atugaralugit. Misigigaluarlunga nuannaaleqqissinnaananga neriuuteqarlungali. Inuunermik peqqinnartumik ingerlanissamik aallussisooreeraluarpunga, nerisat peqqinnartut, timersorluartarpunga, mediterertarpunga, tapersersorluarneqartarlungalu nuannarisannik aallussinermut. Uannulli tunngatillugu arlalitsigut imminut tunulliuttarpunga. Qasuleraangama eqqissisimaarnanga pressertorujuusarpunga imminut. Uannili takujuminaannikooqaaq suna pitsaanerusariaqarnersoq, inuuninnimi sinnattukka inuuffigaakka. Leamut unneqqarillunga oqaluttuartarpunga, misigisimasakka pillugit, qanorlu imminut qanoq oqaluuttarnerlunga. Lea tatiginartuuvoq eqqartuuttanngimmanga, tusarnaarlungali, pisut avataanit takutittutut ilillugit ilitsersortarmanga, unneqqarilluni tunniusimaqqissaarlunilu. Uannut sunniuppoq suliakkiissutai pimoorunnarlutik, takusinnaallugu uummateqarfigalugit suliani ingerlakkai. Suliakkiissutillu uanga aallaavigalunga suliakkiissutaallutik, uanga pisariaqartitannut tunngammata tunniusimaqqissaarlunga suliarisarpakka, pikkunartaraliaqisoq aqqutaa, toqqissisimaffinniik anillallunga, imminut pillunga akisussaaffik tigullugu, uannut ajunnginnerpaaq anguniarlugu ingerlarsorlunga. Oqaloqatigiittarnerit ingerlanerini qujamasuutigeqisannik takulerpara pisimasuniippallaartarlunga, taakkulu peqqutaallutik imminut qamuuna annertuumik nakkarsartarlunga, imminut naalaarunnaartarlunga. Inuunerali massakkunni kisiat allanngorsinnaagakku akisussaaffigalugu uannut ajunnginnerpaamik toqqaaneq ilinniarpara, uannut pillunga. Eqqarsartaasitoqqaniillu eqqarsartaasitaamut peqqinnartumut ikaariartornissaq ilinniarlugu. Uangaassusinnullu imminut akuerinermut uteqqillunga. Suli pikkunartoqartarpoq, neriunnerinnarli pigiunnaarlugu upperinninneq inuunermut pigileqqinnikuuara, taamaattumik Lea kikkunnut tamanut inuttut ineriartorusussusermut piumassuseqartunut innersuuppara, allanngortoqassappat nammineq inummiit allanngorneq peqqaartariaqarmat allat allanngortissinnaannginnatsigit, inuunerinnerulerusukkuttalu Leap ikiorsinnaavaatigut aatsaat inuup nammineq iliuuseqarneratigut. Tunniussai nammineq timitalersunngikkaanni kinguneqarsinnaannginnamik. Lea sulilluaqqinnissarnik tamanillu ajunnginnerpaanik kissaappakkit.

Lea oqaloqatigisaqattaarnera assorujussuaq pissarsiaqarfigeqaara peqqissiminngeqaangalu periarfissamik taamak angitigisumik tunniussaqarsinnaammat. Misigisimaqaanga ineriartorsimallunga assorujussuaq uannullu oqiliallaatigeqisannik misigisimallunga, oqariartuutit tunniunneqartut, nassuiaatit tunniunneqartut malunnartorujussuarmik uannut sunniuteqarmata. Allaat qatanngutinnut ikinngutinnullu ilaatigut ilikkakkakka malillugit saqqummiuttarsimavakka. Coaching uannut iluaqutaarsuaarpoq, tassami siullermik oqaloqateqartarnera suli aallartinngitsoq angst'ertarnera annertoorujussuarmik atortarsimavara, taavalu uannut naalaarnissara atorsinnaasimanngilara allaallu eqqarsaaterpassuakka ajugaatiinnartarsimallugit. Massukkullu tamarmik taakkua ullunik ataasiakkaaralunga ilinniarusaarpakka. Lea oqaluunnerani iluarinerpaavara erseqqarissumik paasinarluinnartunillu nassuiaallaqqittarmat, taavalu sullitaminut assut ataqqinnilluni tusarnaarusaartarnera inissaqartitsilluartarneralu iluartaqaaq. kingullertigullu nersualaarinnittarnera uannut assut nuannaajallannarpoq. Innersuusserusoqaanga iluaqimmammi, uattut inuuneqartut innersuunnaqaat oqaloqatissamik ujartuinissaat, pissutigalugu oqaasiinnaagaluarlutik iluaqutaammata inuunermut ilinniutaangaatsiarlutillu. Innersuussinera assut piukkupparaption.

Coachingertinera angusaqarfiusumik pissarsiaqarfiusumik oqaasertalersinnaavara. Inuttut uanga nammineq pissarsiaqarsuaarpunga eqqarsartaatsit, misigissutsillu tungaatigut aammalu inuttut nammineq ikiorsiissutit atorlugit angusaqarlunga. Eqqarsartaatsit aqussinnaanerulerpakka aammalu misigissusikka ajattuinnarnagit tusarnaarnerusalerlugit ''tikilluaqqunerullugillu''. Inuttut ineriartuutigeqaara aammalu eqqarsartaatsit eqqummaariffiginissaat pingaartinnerulersimavara aammalu imminut naleqartinnissaq imminullu pingaartinnissaq salliuttuaannalersimallugit. Ineriartuutigisimavara suliakkiissutit pimoorullugit ingerlannerani aammalu uanga imminut salliullunga pimoorussillunga angorusutaqarninni allannguutit malungisimallugit. Ulluinnakka oqinnerusutut misiginarput aammalu imminut naleqartinnerulerama imminut tatiginera, upperinera akuerineralu annertunerujuulluni. Qamuuna eqqissisimanerullunga ulluinnarni misigisalerpunga, coaching misilinngikkallarakku stresseqqajaanerusarpunga, timikkut manngertisimaarnerullunga ernumaqqajaanerullungalu allaallu angsteqqajaanerullunga. Coaching kingorna eqqissisimaneq, eqqarsartaatsikkut eqqummaarinneq aammalu imminut naleqartinneq atungarininngorpakka sulilu ineriartortillugit, aammalu imminut iluarisimaarninngorpunga, imminullu salliunninngorlunga. Leap oqaluunnerani iluarinerpaavara, Lea oqaloqatigiuminarnera, inuppalaarnera, ikiuerusussuseqarnera aammalu inuk oqaloqatigisani naleqqatigalugu tusarnaarluarlugu oqaluussisinnaanera toqqissisimanaralugu. Kalaallit Nunaannut ungasikkaluartoq misiginarpoq Lea oqaluunnerani soorluluunniit eqqanniiginnartoq timitalerlugu, misiginarani nunarsuup akiani najungaqartoq. Inunnut tamanut Lea innersuukkusunnaqaaq qanorluunniit atungaqaraanni, apeqqutaanngilaq inuk qanoq ajortigisumik ajunngitsigisumillu misigisaqarnikuunersoq, inuimmi tamatta misigissutitigut assingiinngitsuungatta allatut eqqarsartaaseqarlutalu qisuariaateqartarluta. Taamaattumik kinaluunniit Leamut innersuunneqarsinnaavoq, inuk oqaloqatigiuminarmat aammalu ilisimasaqarluarmat sakkussanik tunisisinnaasunik.

Una sapaatip akunnera Arnanut forløb aallartinnerani misigisakka oqaluttuarilaarusullugit allalaarpunga, paasitikkusullutit qanoq allanngueqataatiginerit annertutiginersoq. Aatsaat forløb aallartikkaluartoq imatut sakkortutigisumik misigisaqarpunga: Ulloq siulleq apeqqutit akinerini takulerpara qanoq inuit allat aallaavigitigisimanerlugit, qamanilu nipera tusarnaanngisannarsimallugu. Assut imminut misiginneqatigiummerpunga ajuusaajummerlungalu nipinnguara qamaniittoq tusarnaartarsimannginnakku. Ullup sinnera nikallungavunga, qamanilu nipima nassaariniarnissaanut eqqarsaat ikkulluni. Ullut tulliuttut suliassat aamma suliarinerini eqqissiartuaarpunga, siornatigutulli eqqissiviilliortutut misigiunnaariartorlunga, misigiartuaarlunga soorlu uannut naalaarsinnaajartorlunga. Maannakkut imminut asanissamut killippunga, eqqorteqqaqalungalu aamma taassuminnga. Imminut asanera siornatigut takkutitallariarluni qaangiuteqqipallattarpoq, (flygtig følelse)- kisiannilu soorlu massakkut ikkuttussatut misinnarluni. Ippassaq imminut asanissamut suliakkiissutit suliarivakka, ullumilu iterlunga oqitsuaraallunga nuannaarlungalu. Eqqaamanngilara qanga kingullermik nuannaarlunga ullora aallartinnerlugu. Toqqissisimaneq, oqilisimaarneq imminut paarisinnaasutut misigineq asanerlu pigilersimallugit iterlunga. Nalunngilara ilinniaqqaalaartussaallugit, kisianni taamatut ullup aallartinnera nuannareqaara attortisimaarnaralugulu. Taava nipilersuutit tusarnaarpallaartanngisakka tusarnaarujoorlugit aallartikkakkit, kalaallit nipilersortartut "Inuk" taakku tusarnaarujoorlugit erinaq ataaseq "Qeqertaaqqami" appimmat, maannakkorpiaqqissaaq misigisara taallartaani atorneqarpoq: (ataani atuaruk). Eqqarsaatinnit misigisimasannillu tigusaaqqaninnit atortussannik tunillunga qujanaq aqqutissiuukkamma. Ukiorpassuit takusaqarsinnaananga maskiinatut ingerlaarnera tamaanga killeqartutut misigivara. Misigivunga inuuninni nuannersut oqinnerusullu ujartornissaanut aqqut aallartilerlugu.Qujamasungaarama qiajunnaarneq ajuleraluarpunga. Qujallunga ilittut ittumik inoqarmat. Qujanaq artorsarnikuugaluaqalutit inoqatinnut ingerlatitseqqikkavit, ingerlaffiginikuusat suunersoq inoqatinnut tikkuarlugu qaamaninnguamik aqqutigisimasanni qimatsigavit, allanit aqqutigineqarsinnaanngorlugu. Tassa inoqatinut asanninneq. Inuunermik toqqissisimasumik, asanninnermik pilluarnermillu kissaatingaarpakkit. "Qeqertaaqqami tigusaavunga - ungaseqisumut pisimavunga - alla takunngilara imaannarsuarmiinnera - imarsuup anguguninga ipiumaarpunga - tigusaaffiga qimallara aqqutissiuunneqarlunga - immamut morsuppunga anerneerutilerpunga ersernerluttumik isigisaqalerpunga - sajuttuinnanngorpunga - soorlumi nillortunga - tigusaaffiga qimallara aqqutissiuunneqarlunga - tassami annanneqarpunga - immamiit qaqinneqarpunga - tigusaaffiga qimappara aqqutissiuunneqarlunga - tigusaaffiga qimappara aqqutissiuunneqarlunga - aqqutissiuunneqarpunga.

Paninnguaq inuttut ineriartornera, inuunermut akuersaarnerulersimanera aammalu imminut maluginiarsinnaalernerani malinnaaffigisinnaasimagakku qujamasuppunga <3 Paninnguup coachingertinnini imannak oqaasertalersorpaa: “Massakkuunngippat, taava qaqugu? Leamiit coachingertittarnerit kinaagaluaraanniluunniit aamma suulluunniit oqaluusererusukkaanni tamanut innersuukkusuppakka. Attaveqaatinnut, ilinniarninnut, aningaasaqarninnut imminullu piumaffigisinnaassutsinnut ajornartorsiutikka paasineqarluinnartutut misigaakka. Tamanna assut oqiliallannarpoq. Ingerlaannaq ajornartorsiutit aallaaviat takuaa. Oqaatsikka eqqarsaatikkalu maluginiarnerulernikooqaakka, tassanngaanniillu allannguinissannut periarfissaqalerlunga. Ajornanngitsuinnaanngikkaluartoq, coachingertinnerma imminut pingaartinnissannik ilinniartippaanga akisussaaffimmillu tigusisinnaalersillunga. Coachinertinnera sunut tamanut sunniuteqarlualereerpoq. Suut tamarmik ajunngeqqeqqissaannginnerat akueriummersuaarpara aammalu angusaqarusunnermi allannguinissaq, iliuuseqarnerulaarsinnaassuseq allatulluunniit iliorsinnaaneq akueriummersuaarlugu. Coachingertinnera ineriartortuaannarnissannut sakkussannik aalajangersimasunik pissarsiaqaatigeqalugulu uisitsingaatsiarpoq”.

Iluareqaara aammalu oqaatsit atortagaai tiguaalluartarmata tiguartinnartauaannarlutik aammalu oqaloqatigiinnermi oqaloqatigiuminartuummat. Pissarsiakka annertoorujussuupput allaammi inuttut suliassatut isigiuarsimasakka massakkut inissillugit nammineerlunga aqussinnaalerakkit takusinnanngorlugillu.Imminut malugeqaanga assut ineriartorsimallunga, inunnik nutaanik naapitsinerni aammalu inunnut allanut saqqqummernermi ittoorujussuartarnikka annikilleqaat imminullu tusarnaarluarnerulerlunga inuit isumaat tusaaniarunnaarlugu namminiussusera annertusilluni naammattutut inuttut allatulli misigisimalerlunga nunami maani tunngallunga inunniit allaniit allaanerunanga inooqataallunga misigisimalerpunga, imminut ajukkukkunnaarlunga saqqummersinnaalerama eqqarsaatit assigiinngitsut pigiuartarsimasakka immikkoortissinnaalersimallugit naleqartutut misigineq eqqarsartariaatsikkut timikkullu. Aammalu misilitsinnerni eqqissisimanerulerlunga misigaara. Siunnersuutigisartagaai oqaatsit atorneqartut imaqarluartarmata, aammalu nipilersuutit uteqattaagassat tusarnaartarnerini pissarsiat iluaqaat. Allanut innersuunnaqaaq assut, ingappoq nammineerlunga inuttut inissisimaninni ingerlariaqqiffigerusutakka tunuarsimaarfigiuaannakkakka ”sapilikkakka” massakkut saperunnaariartorakkit takusinnaagakku ineriartungaatiarlunga taamaammat innersuuteqaara kimulluunniit.

Hej Lea allaffigerusuummerlutit allaffigilaarpakkit. Siorna coaching ingerlassimanera assut ullut kingulliit qujamasuutigersuaarpara. Allanik pisuutitsiunnaarlunga, pisimasut pisuutikkunnaarlugit namminerpiaq imminut qiviarama, namminerpiaq uanga pissusilersuutigisarsimasakka imminut pilliutigisarsimanerpassuakka uanniit aallaaveqartut takulerakku nassuerutigalugulu assaa soorlu sunarsuaq timinninngaaniik qamani ilorpianninngaaniillu katattoq. Soorlu timmiaaqqatut oqitsigilerlunga. Qujamasorujussuarpunga inuunerup, misigissutsit eqqarsartaatsillu qanoq peqqinnarnerusumik atulersinnaaneranut aqqutissiuussimagamma alloriaatikka piffimmi tassani annernarsinnaasimagaluartut takulerpara uannut qanoq qamuuna peqqinnartiginersoq pilluarnartiginersorlu uanga namminerpiaq kinaassusera atorsinnaaleraluttuinnarlugu imminut upperinera, tatiginera aammalu asanera ilikkaraluttuinnarpara. Uanga imminut salliutinngikkuma allanut nukissaqarnaviannginnama qujanarujorujorujussuaq aqqutigalutit inuunera nuannernerusumik pilluarnarnerusumillu aqqutissiuusseqataaninnut.

Hej. Allalaarusuummertungaasinuna assut ilinnut qujassutissaqarlunga. Meeraallungali qamani manngertisimajuarneq aallartinnikuuvoq allaat unnuakkut sininnaveertarnerit, atuariartornissamut ernumaneq piinnarlugu, angajoqqaannullu oqaatigissanagu. Qinngasaartittarnikuuvunga, immikkoortitaasarnikuuvunga, terlinniit eqqartorneqartarnikuuvunga meeraqatinniit, sulili paasinngilara suna aallaaviusimanersoq, takkutissaguni takkukkumaarpoq, uannili massakkut tamanna apeqqutaavallaanngilaq. Qamani sukaqqajuaannavissutut ittarnera, allaat uummatiga sukangasutut misigisarlugu, katakkiartorpoq allaat ullumikkut malunnarnani, soorlu qanna imaqanngitsoq. Sungiusimanikuungaarakku taamaattuaannarnera ajortussanik nassaarniarsarileraluarlunga misigileraluarpunga, tassuunami aamma uannut annersittarsimagama. Atuagarpassuit atuartarnikuusakka soorlu aatsaat qamani inissitsiterlutik aallartittut, aatsaallu atorsinnaalertutut illugit. Qujanaq. Ilumut qujanaq. Uannullu qujaffigivunga pimoorussillunga imminullu pillarnanga suliakkiissutit ingerlattuarakkit, ullut qanorluunniit ikkaluarpata. Qujanaq.

Lea- mi Coaching oqeqaaq, ilikkagaqarnaqaaq, inuunermi pingaaruteqarsuaartoq taamatut imminut qivialaarnissaq paaseqqippara. Lea oqaluullugu soorlu ikinngut arlaat oqaluullugu, oqingaarmat, paasinilluartarlunilu. Soorunami sakkussanik ikiuutissarpassuarnik aamma tunioraavoq uannut iluaqutaangaartunik, qaqugumulluunniit atorsinnaasannik. 3 x 1 time oqaluukkakku, 1 time soorlu sivikittuararsuaq imaqangaarmat tatiginarmallu. Killiliinissaq imminullu siulliussinnaanerunissaq pinerullugit Leamut saaffiginnippunga. Leap sakkut tunniussai uannut tulluarsakkat atorluarakkit imminut tusarnaarsinnaanera allivoq, uannut asanninnera, tatiginninneralu malugaakka siuariartut. Assorujussuaq kikkunnut tamanut tulluarsinnaasutut isigaara. Tamattami inuinnaagatta, ilaanni ikiorneqalaarnissarput pisariaqarsinnaammat. Atuakkanik assigiinngitsunik “ikiuutinik” atuartaqaanga, kisiannili allarujussuuvoq Leamut coacherluni. Nammineq misigisimasakka, misigissutsikka aallaafigalugit ikiortippunga sakkussanillu tulluuttunik tunisillunga. Taanna pingaaruteqarsuaarpoq uanga siuariarninnut.

Amerlaqaat allakkusukkaluakkakka. Kisianni, aallartinneraniik malinnaalluarlugu atuarluartarlugit, suliakkiissutai suliarisarlugit aalluppakka, immaqa qaammat ataaseq ingerlanerani sinnilaarlugulu. Iluaqaaq (kiisami) misigisimallunga perusuttarnikuusakka psykologiminngaak pissarsiarisinnaanngisakka oqaluunnarnermi illit taamak seqineq arnanut sanasimanerinnani, allamiik kia taama pissammanga suliakkerlunga ‘’ikiorlungalu’’ allamik takunikuunnginnama kalaallisut taamak ikiuisumik (saqqummertumik) ilittut ittumik, taamaattoq misigeqaanga illit siuariartikkimma pisariaqartitakka qangali taamak ikiorneqarlunga imminut asalernissaq/tatigilernissaq assigisaalu pillugit taamak periarfissiigavit QUJANAQ! Qujamasoqaanga ilinnut, aammalu ilumoorpoq aatsaat iluamik PIMOORUKKAANNI pakkeq taanna pisiaq, AATSAAT pissarsoqarsinnaavoq. QUJANAQ. Allanut innersuuppara unittooqqasutut misiguit Seqineq arnanut pimoorukkaanni iluaqutaaqaat! es here

Lea oqaloqatigisanngikkallarakku imminut naammagisutut, akuerinngitsutullu misiginikuuvunga, qaammatillu marluk iluanni taamannak misiginera mumisinneqarpoq Lea-p suleriaasaa, oqaluuttarneralu peqqutaalluni. Innersuunnaqaaq imminut suliarerusukkaanni, pimoorusserusukkaannilu inuunermi allannguerusunnermi. Ajortut tamaasa isiginiartarnikuuakka, kisianni tamanna aamma mumisinneqarpoq suliassat tunniunneqartut pissutigalugit, kisianni aamma Lea eqqartueqatigisinnaagakku ammasumik. Meditation - imminut akuerineq, imminut naammagineq iluaqutigisorujuuara, imminut naalaarsinnaanngorneruvunga, apeqqutillu akineqarsinnaanikuungitsut inississorlungit tusarnaanginnarnerini. Peqqissiminngeqaanga Lea-mut coaching-ertissimangama, iluareqaara, nuannaaqaangalu tamanna periarfissaq tigusimagakku.

Ukioq kingulleq avatangiisinniik suutinneqarnanga, mikisuararsuartut pineqarlunga, peqqinnanngitsumik inuuneqarninni, aapparisamiik ullaarnganiik oqaatsit nuanniitsut tusartuarlugit pikkorissarnermut peqataanikuuvunga. Iternerit tamaasa makinnginninni tusarnaartarsimavakka suliarisimasatit. Aqqummi tassani tamaanga killinnissannut uannut iluaqutaasimaqaat, qanorluunniimmi atugaqaraluarutta qamuunarpiaq piumagaanni inuunermik allannguisoqarsinnaammat. Taamak aqqutissarsiorsimanngikkaluarumma allannguinanga inuunermut tassunga maliguutiinnarlunga sumiissimassagaluarnerpunga. Qujanaq taamak inuunermi periarfissaqarmat.

“Hej Lea. Inuttut killiffiga iluarisimaartuarsinnarpara imminullu tanngassimaarutigivunga assut. Qujamasukkama aamma inuttut killiffiga killiffiginngisaannarsimasutut misigigakku ilinnut apuukkusunnermik unnersiorfigilaarpakkit ilinninngaanniit pissarsiaqarfigigakku. Imminut tatiginera naleqartinneralu sivisoorujussuarmik misiginikuunngilakka aamma allaniik allaanerullunga annikinnerullungalu misigiuaannarnikuuvunga, sunut tamangajannullu ajukkuttarlunga (sussaguma kisiat tassa ilalersoqqaarlunga) toqqissisimallunga kisima pisussinnaananga aqqusinikkut. Anaanarutiaarnikuuvunga, peerunnera akuerinikuunerartarlugu ukiut tamaasa periodeqartarpunga deprassionerlunga imminut nalligalunga ataataga nalligalugu aamma kamaattaqaara imerajuttuummat suararpassuarnik uannut peqqinnanngitsumik immersulertarlunga aammalu weekendit tamaasa imertarlunga ingallunga imminut naleqartinnera tatiginera millisartuarlugu. Massakkut killiffiga oqarsinnaavunga QANGAMITA TAAMAK INUUNERITSIGIGAMA. Kisima fitnessiliartalernikuuvunga allanut naleqqussanngilluinnarlunga, ajukkutinngilluinnarlunga, uannut pillunga fitnessiliartalernikuuvunga pinngitsoorsinnaajunnaarlugulu. Aqqusinikkut eqqissiivillunga pisorujoorsinnaanngornikuuvunga imminut tatigeqqissaarlunga iluarisimaarluinnarlunga, saniatigut suliffigisartagakka nikeralaaramik immikkuullarinnera akueralugu inuit nutaat akornani sungiussiniarsinnaaleqqavunga suli ilinnialaagassarivarali anguniagaqarusunnermik inuunera saakkallaqqavoq aamma angorusutakka angullattaarpakka tulleriaarujoorpakka. Unammillernarivarali inooriaasera allanngorluinnarnerani qanigisakka kammakka ulluinnarinerpaanikuusakka ilai naleqquffigiunnaaqqagakkit peqatiginiarneri soorlu ilagiuminaatsillugit killiffeqatigiunnaaveqqagakkit. Unammillernarporlu ataataga killiffima mumingarluinnaaniituaannarmat kisiat nalunngiinnarpara killiffiga tulluusimaarutigigaa. Meditation sanaatit iluaqutigisaqaakkali toqqissisaataajuaannarput ingammik makeqqammerluni ulloq nutaaq aallartilluarumagaanni. Ullut unammillernartut takkuttuaannarmata piffissanngorsorigukku nangaassutissaqarnanga coachingimut malinnaaqqikkumaarpunga ugguarnanngeqimmat. Oqartarpunga inuuneq ujartugara kiisami inuunerilerlugu. Killiffigisimasara unnersiutigerunnermik atuagassilaarpakkit”.

Hejsa - Tassaana ilinnut qujarusullunga allanniarlunga Inuuninni ikaarsaarfinni nangiangaartunga, annikilliungaartunga, ersersuaartunga nuanniinerpaanillu eqqarsaatersornerma nalaani attavigaakkit, qujanartumillu sullissinnaavarma. Qujanarujussuaq tasioramma nuannersunik eqqarsartanera naneqqinnissaanut aammalu imminut isumakkeerfigeqqinnissannut aqqutissiukkamma. “mit indre barn” nanivara Eqqarsaatit nukittoqaat, nuanniitsuuppata nuannersuupataluuniit misigissutit tamarmik inissaqarput Imminulli siulliuttuarnissaq, imminut naalaarnissaq, imminut qiviarnissaq, imminullu ASANISSAQ pingaarnerpaajuassapput Qujanaq ajunnginnerpaanik kissaallutit Asannittumik.

Asasara Lea. Qujanaq. Naa qujaneq annikippoq oqaatigissallugu. Imminut salloqittaanavillunga inuusimanera takugakku, inuit allat nuannaarnissaat piinnavillugu inuusimanera iperarnissaanut suliniutigilernera pikkunangaarmat, allaat qiasariaqarlunga. Lea, qujanaq illooqqama video-liannguit arlaat ikkussimasat ammarsimagakku, sunaaffami inuunerma pitsannerusumut allanngornissaanut siunertalimmik ammaasimallunga.Naa qujanaq pikkorillutit unneqqarillutillu sullisserusunnerpit, kingunerisaanik allanngorluinnalerlunga malugaanga, imminut salloqittarlunga inuusimanera iperarpara – naasaanngitsumillu igillugu ungasissorsuarmut. Qujanaqutaali kalaallisut oqaasilimmik pikkorissumik sulisoqalersimammat ilinnik. Allangaarama kiisa quppernerit 15 missaani allappakka, sunaaffa allatassarpassuaqarlunga imminut nassaarilernerup pianik.

"Leannguaq, qujanarujussuaq sisamariaq inuunermi siunnersortinninnut. Ikiorujussuarparma piffissami artornarsimaqisumi neriuutaaruffimmilu. Nammineq takusinnaavara aamma allat malugisimavaat nuannaarneq aammalu imminut paarilluarneq uanni sikkersimasoq ulluinnarnilu inuuneq oqilerujussuarsimavoq. Qujarujussuarusuppunga ikiorsimagamma. Immikkuullarissumik piginnaasaqarputit aammalu pissusissamisut atorluarpat inuit alllat ikiorumallugit. Qujanaq periarfissamut - tunissutaavutit

Coaching iluaqutigeqaara, eqqarsaatit assigiinngitsut iluusissallu pigiliussinnaasakka, iliuuserisinnaasakkalu pigakkit. Pissarsiaqartutut misigisimaqaanga, ineriartuutigisannik misilerarsinnaasannik isumassarsianik pigama. Lea oqaloqatigiuminarpoq aammalu misiginneqartiginnissinnaassusa, paasinnillaqqittugami inuit "tarrarsorfiginnaasaramigit" atugaannik. Allanut innersuussinnaakutsorpara iluaqutissaminnik "aallerfigisinnaalluarpaat".

Qamuuna kompassera pigileqqinnikuuara, atortorissaarutinillu tunisippunga uanga inuuninni uannut ajunnginnerpaaq peqqinnarnerpaarlu aqqutigalugu inuuniassagama. Misigisimavunga tarnikkut eqqissisimanerulersimallunga, qujamasuutigaaralu tamanna. Pisariaqartikkunnaarsimavara uannut eqqissiviilliortitsisartut ujartornissai. Imminut qamunga atassuteqarfigilersimavunga akissutissallu taqqamanngaanniit pisarlugit. Imminut apeqqusertarunnaarnikuuvunga uannullu suna eqqortuunersoq aamma apeqqusertarunnaarnikuullugu. Siornatigut uannut peqqinnanngitsumik imminut aaliangersimasumik isigisarsimavunga, inuuneralu aamma peqqinnanngitsumik aaliangersimasumik isigisarsimallugu. Ullumikkut imminut akuerivunga naqqaninngaanniilu imminut ineriartortippunga. Inuit allat ilagileraangakkit atortorissaarutit pikkorissarnerminngaanniit atortarpakka imminut atassuteqarfigerliniassagama. Sulili ilinniarujoorpunga. Inuit qanigisakka ammasumik unneqqaarissumillu oqaloqatigisalersimavakka qujamasuppungalu ammaneq tatiginninerlu uannut takutinneqartoq. Seqineq arnanut aqqutigalugu atortorissaarutit pigilersimasakka atornerini misigisimamavunga imminut ataqqinerulersimallunga. Takulersimavaralugu uanga nammineq akisussaaffigalugu killiliisarnissaq, inuttut naleqartutut misiginera piuartinniarlugu. Taanna piginngikkaanni ajortumik ingerlaarusaarnarsinnaasarmat. Angajoqqaatut misigisimavunga atortorissartuinik tunineqarsimallunga meeqqat peqqinnarnerusumik perorsarnissaanut. Misigisimavunga massakkut nassuiaasarlunga ulluinnarni 'ajornartorsiutit' meeqqatut misigisartagaat qanoq qaangerniarneqarsinnaanersut. Misigisimavunga meeqqannut qanilaarnerullunga kissaatiginerpaavaralu meeqqakka aamma sakkussaqassasut imminut asanermut immunullu upperinermut. Aamma perorpata. Meeraqqamut nassuarniarsarisarpara, fysiskemik killilersuisut inuttut naleqarnermut attuumassuteqanngitsoq. Nassiuaattarpara meeqqap nammineerluni inuunererusutani pilersissagaa. Kaammattortarpara imminnut ilinniarluaqqullugu. Tassuuna atortorissaarutit pingaaruteqarsimaqaat aamma tassuuna ikiorneqarsimaqaanga. Kikkunnut tamanut Seqineq arnanut innersuuppara tamattami nuannersumik inuuneqarnissarput aammalu immitsinnut peqqinnartumik atassuteqarfiginissarput pingaarami. Qujamasuppunga Lea'p suliaanut nalunngilaralu inuppassuarnut nuanarsuarmik iluaqutaajumaartut.

Qujanarujuk taamatut saqqummersitsisimangavit, inuppassuarnut iluaqutaasussanngorlungu... Siornatingut apeqqusersortuaannakkakka akissutissarsivakka,k illiliisinnaanngorlungalu. Qujanarujussuaq. Pilluarnera suli alliartorpoq toqqissisimanaq namminerpiaq imminut ilisariartoqqilerluni qiasarniarlungalu ingerlaterusaarpara.

Utaqqikatannikuullugu aallartinnissaa, aallartikkakku ingasak. Ego’mut paasissutissanut qujanarujussuaq. Soorluluuniit aatsaat inuuneq suunersoq paasiartulerlugu. Qujanarujussuaq illeqarmat taamak pikkoritsigisumik. Qilanaareqaara suli naammassinissaata tungaanut paasisassannut ilikkagassannut. Qujanaq oqaaseq amigarporluuniitDescription.

Seqineq Mindfulness peqataaffigigakku aallunnerani imminut eqqummaariffigileraluttuinnarnera malugaara. Aliasorujussuartarnikuuvunga aqussinnaanngisannik, allaallumi naammanngitsutut misigisarnikuullunga. Ajornerpaagaangama siniffinniit makikkusunneq ajornikuuvunga, imminullu salloqittarlunga peqqinnanngitsumik ajunnginniarsaralunga inuusarnikuullunga. Angorusutaqarlunga, aallussisinnaanerali killeqartarluni. Paasilerpara uangaana iliuutsinnut, eqqarsaatinnut, inuuninnullu akisussaasuusunga, inuuninnilu naammattuaannarnikuullunga, massakkullu naammaqqissaarlunga. Peqataaninni aningaasat akiliutikka ineriartorninni uannut uteqqerujussuarput. Imminut salloqittarlunga inuunera illuanut saatsikkakku inuunera suli nuannernerulerpoq ullut tamaasa qilanaaruteqarlunga makittalerlunga, nuannaannginnerugaangamalu misigissutsikka tusarnaarsinnaalerlugit ajattornagit, allaallumi qangali angorusuttakkakka timitalertalereerlugit malugisinnaallugu. QUJANAQ.

Hej Lea. Qujarusuppunga forløb imminut asaneq pillugu ingerlannikuunerata allannguutai nuanneqisut maannakkut inuuninniimmata. Imminut pingaartinnerulerneq, asanerulerneq, ataqqinerulerneq, tusarnaarnerulerneq, nuannarinerulerneq pigilernikuuakka, inuuneq nuannersoq inissisimaffigalugu. Timera ataqqinerulerlugu aallunnerulernikuuara, akuttunngitsunik meditererneq, triinerneq, nerisassat peqqinnarnerusut nerisarlugit il.il. Tamarmik imminut ajunngitsumik pisalernerma kinguneri iluarisimaarnartut. Maannakkorpiaq nuannerunartitaq toqqartuaannarlugu, siunissamilu iluaqutissaasinnaasoq toqqartalernerisa kinguneri. Qujanaq ilittut ittumik inoqarmat. Inuit inuunerinik sakkortuumik imartuumik allannguisarputit.

Siulliit ingerlatarisimasakka atorlugit stress angst-anfald piginagit misigisimarujussuarpunga. Imminut piviusorsiunngittutut inissittarnera unikaallarujussuartoq malugeqaara naak immikkoortoq aappaannaa pinikuullugu.Qujamasuutinik ulikkaarpunga assut, taamaatumik allaffigilaarusuumerikkit, aatsaat aallarteqqammeerniarlunga taamak imartutigimmata.

Hej, Lea. Siullermik qujanarujussuaq aqqutissiuussinernut Seqineq Mindfulness aallartinngikkallarakku siniga piffissaq sivisoorujussuaq ajornikuuvoq ukiut arlerlugit. Ilaanni ullut marluk pingasut tungaanut eqqumasinnaasarlunga sinissinnaananga, taamaammat sinissaateqartarariaqartarlunga. Imminut tusarnaarpiartarsimananngilanga imminullu paarivallaarnanga, eqqarsartariaatsillu allarluinnaat aamma atugareruusaarsimallugit. Seqineq mindfulness ingerlakkakku artorsarneq pilluarneq misigissutsit sorpassuit atorpakka, pikkunarlunilu oqinnartaqaaq peqqissiminanngeqaarlu ilaasimagama. Kingorna imminut tusarnaarsinnaaneruneq imminullu naalaarsinnaaneruneq ulluinnarni atugarilerpakka, kingornalu siniga KIISAMI iluatsillugu iisartagaarullunga Seqineq inunnut tamanut innersuunnartorujussuuvoq, kalaallisoorneralu iluaqaaq.