Imminut tusarnaarneq
imminut asaneq & Imminut Naammagineq
✨ Illit Imminut tusarnaarsinnaavit?
✨ Imminut asavit?
✨ Imminut naammagivit?
Piffissaq aaliangersimasoq atuutsinneqanngimmat illit nammineq piffissaqaraangavit ingerlaterujuuginnartassavat.
qulequttat ukua
sammisaralugit ineriartorusuppit?
🌱 Imminut tusarnaarsinnaaneq.
🌱 Imminut asaneq.
🌱 Imminut naammagineq.
Pikkorissarnermi sammineqassapput, imminut qamuuna atassuteqarfiginikkut imminut tusarnaarsinnaaneq aammalu eqqarsartaatsit inuunermi killilersuisut soorlu “naammanngilanga”, “asananngilanga” assigisaallu (imminut nakkarsartarnerup silarsuaanniittut) iperarnissaat, illit pikkorissarnermi peqataasoq, qamuuna eqqissineq, imminut tusarnaarsinnaaneq, naammagineq aammalu imminut asaneq aallaavialugit ulluinnarni inuulerniassagavit.
Takorluulaaruk. Illit inuunerit qanoq isikkoqassagaluarpa:
Imminut asasuuguit?
Imminut naammagisuuguit?
Imminut tusarnaarsinnaasuguit?
Suna takuiuk? Sumiippit? Kinaavit? Inuunerit qanoq isikkoqarpa?
Peqataasimasut ilaasa oqaaseqaataat:
Hejsa. Siullermik imminut qujamasuutingeqaanga periarfissannik nassaarama iliuuseqarsinnaangama Seqineq-Arnanut ingerlatissallungu. Peqqissiminngeqaanga, ineriartornera nuannareqaara ingerlarsorneralu nuannarisorujussuullungu. Tullissaanimut paasisassakka paasissallungit qilanaariuaannarpara, unitsiinnarnissaanullu takorloorsinnaanangu. Aap, unammillernartoqalaaraluartoq oqinneruleriartorporli nipilu ajunngittumik kissaassiuartoq tusaaneruleraluttuinnarpara. Qujanaq, inunnguusutit eqqissisimasoq. Qujanarlu ilisimasatit pillungit saqqummiussannut, uanga aamma oqinnerusumik inuuneqalernissara nukittuffinginerulerlungulu piumassuseqarneruvunga.
— Kulunnguaq.
Asasara Lea ❤ Qujanaq. Naa qujaneq annikippoq oqaatigissallugu. Imminut salloqittaanavillunga inuusimanera takugakku, inuit allat nuannaarnissaat piinnavillugu inuusimanera iperarnissaanut suliniutigilernera pikkunangaarmat, allaat qiasariaqarlunga. Lea, qujanaq illooqqama video-liannguit arlaat ikkussimasat ammarsimagakku, sunaaffami inuunerma pitsannerusumut allanngornissaanut siunertalimmik ammaasimallunga.Naa qujanaq pikkorillutit unneqqarillutillu sullisserusunnerpit, kingunerisaanik allanngorluinnalerlunga malugaanga, imminut salloqittarlunga inuusimanera iperarpara – naasaanngitsumillu igillugu ungasissorsuarmut. Qujanaqutaali kalaallisut oqaasilimmik pikkorissumik sulisoqalersimammat ilinnik ❤ Allangaarama kiisa quppernerit 15 missaani allappakka, sunaaffa allatassarpassuaqarlunga imminut nassaarilernerup pianik ❤
— A.T.
Utaqqikatannikuullugu aallartinnissaa, aallartikkakku ingasak ego’mut paasissutissanut qujanarujussuaq soorluluuniit aatsaat inuuneq suunersoq paasiartulerlugu qujanarujussuaq! Illeqarmat taamak pikkoritsigisumik qilanaareqaara suli naammassinissaata tungaanut paasisassannut ilikkagassannut qujanaq oqaaseq amigarporluuniit.
- Niviaaluk.
"Una sapaatip akunnera Arnanut forløb aallartinnerani misigisakka oqaluttuarilaarusullugit allalaarpunga, paasitikkusullutit qanoq allanngueqataatiginerit annertutiginersoq. Aatsaat forløb aallartikkaluartoq imatut sakkortutigisumik misigisaqarpunga: Ulloq siulleq apeqqutit akinerini takulerpara qanoq inuit allat aallaavigitigisimanerlugit, qamanilu nipera tusarnaanngisannarsimallugu. Assut imminut misiginneqatigiummerpunga ajuusaajummerlungalu nipinnguara qamaniittoq tusarnaartarsimannginnakku. Ullup sinnera nikallungavunga, qamanilu nipima nassaariniarnissaanut eqqarsaat ikkulluni. Ullut tulliuttut suliassat aamma suliarinerini eqqissiartuaarpunga, siornatigutulli eqqissiviilliortutut misigiunnaariartorlunga, misigiartuaarlunga soorlu uannut naalaarsinnaajartorlunga. Maannakkut imminut asanissamut killippunga, eqqorteqqaqalungalu aamma taassuminnga. Imminut asanera siornatigut takkutitallariarluni qaangiuteqqipallattarpoq, (flygtig følelse)- kisiannilu soorlu massakkut ikkuttussatut misinnarluni. Ippassaq imminut asanissamut suliakkiissutit suliarivakka, ullumilu iterlunga oqitsuaraallunga nuannaarlungalu. Eqqaamanngilara qanga kingullermik nuannaarlunga ullora aallartinnerlugu. Toqqissisimaneq, oqilisimaarneq imminut paarisinnaasutut misigineq asanerlu pigilersimallugit iterlunga. Nalunngilara ilinniaqqaalaartussaallugit, kisianni taamatut ullup aallartinnera nuannareqaara attortisimaarnaralugulu. Taava nipilersuutit tusarnaarpallaartanngisakka tusarnaarujoorlugit aallartikkakkit, kalaallit nipilersortartut "Inuk" taakku tusarnaarujoorlugit erinaq ataaseq "Qeqertaaqqami" appimmat, maannakkorpiaqqissaaq misigisara taallartaani atorneqarpoq: (ataani atuaruk). Eqqarsaatinnit misigisimasannillu tigusaaqqaninnit atortussannik tunillunga qujanaq aqqutissiuukkamma. Ukiorpassuit takusaqarsinnaananga maskiinatut ingerlaarnera tamaanga killeqartutut misigivara. Misigivunga inuuninni nuannersut oqinnerusullu ujartornissaanut aqqut aallartilerlugu.Qujamasungaarama qiajunnaarneq ajuleraluarpunga. Qujallunga ilittut ittumik inoqarmat. Qujanaq artorsarnikuugaluaqalutit inoqatinnut ingerlatitseqqikkavit, ingerlaffiginikuusat suunersoq inoqatinnut tikkuarlugu qaamaninnguamik aqqutigisimasanni qimatsigavit, allanit aqqutigineqarsinnaanngorlugu. Tassa inoqatinut asanninneq. Inuunermik toqqissisimasumik, asanninnermik pilluarnermillu kissaatingaarpakkit. "Qeqertaaqqami tigusaavunga - ungaseqisumut pisimavunga - alla takunngilara imaannarsuarmiinnera - imarsuup anguguninga ipiumaarpunga - tigusaaffiga qimallara aqqutissiuunneqarlunga - immamut morsuppunga anerneerutilerpunga ersernerluttumik isigisaqalerpunga - sajuttuinnanngorpunga - soorlumi nillortunga - tigusaaffiga qimallara aqqutissiuunneqarlunga - tassami annanneqarpunga - immamiit qaqinneqarpunga - tigusaaffiga qimappara aqqutissiuunneqarlunga - tigusaaffiga qimappara aqqutissiuunneqarlunga - aqqutissiuunneqarpunga".
- Ivaana.
Hej Lea. Inuttut killiffiga iluarisimaartuarsinnarpara imminullu tanngassimaarutigivunga assut. Qujamasukkama aamma inuttut killiffiga killiffiginngisaannarsimasutut misigigakku ilinnut apuukkusunnermik unnersiorfigilaarpakkit, ilinninngaanniit pissarsiaqarfigigakku. Imminut tatiginera naleqartinneralu sivisoorujussuarmik misiginikuunngilakka aamma allaniik allaanerullunga annikinnerullungalu misigiuaannarnikuuvunga, sunut tamangajannullu ajukkuttarlunga (sussaguma kisiat tassa ilalersoqqaarlunga) toqqissisimallunga kisima pisussinnaananga aqqusinikkut. Weekendini aniuarlunga pisarnikuuvunga, ingallunga imminut naleqartinnera tatiginera millisartuarlugu. Massakkut killiffiga oqarsinnaavunga QANGAMITA TAAMAK INUUNERITSIGIGAMA. Kisima fitnessiliartalernikuuvunga allanut naleqqussanngilluinnarlunga, ajukkutinngilluinnarlunga, uannut pillunga fitnessiliartalernikuuvunga pinngitsoorsinnaajunnaarlugulu. Aqqusinikkut eqqissiivillunga pisorujoorsinnaanngornikuuvunga imminut tatigeqqissaarlunga iluarisimaarluinnarlunga. Anguniagaqarusunnermik inuunera saakkallaqqavoq aamma angorusutakka angullattaarpakka tulleriaarujoorlugit. Killiffiga tulluusimaarutigigaa. Meditation sanaatit iluaqutigisaqaakka toqqissisaataajuaannarput ingammik makeqqammerluni ulloq nutaaq aallartilluarumagaanni. Oqartarpunga inuuneq ujartugara kiisami inuunerilerlugu. Killiffigisimasara unnersiutigerunnermik atuagassilaarpakkit”.
- Elisabeth.
Hej Lea. Qujarusuppunga forløb imminut asaneq pillugu ingerlannikuunerata allannguutai nuanneqisut maannakkut inuuninniimmata. Imminut pingaartinnerulerneq, asanerulerneq, ataqqinerulerneq, tusarnaarnerulerneq, nuannarinerulerneq pigilernikuuakka, inuuneq nuannersoq inissisimaffigalugu. Timera ataqqinerulerlugu aallunnerulernikuuara, akuttunngitsunik meditererneq, triinerneq, nerisassat peqqinnarnerusut nerisarlugit il.il. Tamarmik imminut ajunngitsumik pisalernerma kinguneri iluarisimaarnartut. Maannakkorpiaq nuannerunartitaq toqqartuaannarlugu, siunissamilu iluaqutissaasinnaasoq toqqartalernerisa kinguneri. Qujanaq ilittut ittumik inoqarmat. Inuit inuunerinik sakkortuumik imartuumik allannguisarputit.
— Ivana.
Hej, Allalaarusuummertungaasinuna assut ilinnut qujassutissaqarlunga. Meeraallungali qamani manngertisimajuarneq aallartinnikuuvoq allaat unnuakkut sininnaveertarnerit, atuariartornissamut ernumaneq piinnarlugu, angajoqqaannullu oqaatigissanagu. Qinngasaartittarnikuuvunga, immikkoortitaasarnikuuvunga, terlinniit eqqartorneqartarnikuuvunga meeraqatinniit, sulili paasinngilara suna aallaaviusimanersoq, takkutissaguni takkukkumaarpoq, uannili massakkut tamanna apeqqutaavallaanngilaq. Qamani sukaqqajuaannavissutut ittarnera, allaat uummatiga sukangasutut misigisarlugu, katakkiartorpoq allaat ullumikkut malunnarnani, soorlu qanna imaqanngitsoq. Sungiusimanikuungaarakku taamaattuaannarnera ajortussanik nassaarniarsarileraluarlunga misigileraluarpunga, tassuunami aamma uannut annersittarsimagama. Atuagarpassuit atuartarnikuusakka soorlu aatsaat qamani inissitsiterlutik aallartittut, aatsaallu atorsinnaalertutut illugit. Qujanaq. Ilumut qujanaq. Uannullu qujaffigivunga pimoorussillunga imminullu pillarnanga suliakkiissutit ingerlattuarakkit, ullut qanorluunniit ikkaluarpata. Qujanaq.
- Kaaka.
Qamuuna kompassera pigileqqinnikuuara, atortorissaarutinillu tunisippunga uanga inuuninni uannut ajunnginnerpaaq peqqinnarnerpaarlu aqqutigalugu inuuniassagama. Misigisimavunga tarnikkut eqqissisimanerulersimallunga, qujamasuutigaaralu tamanna. Pisariaqartikkunnaarsimavara uannut eqqissiviilliortitsisartut ujartornissai. Imminut qamunga atassuteqarfigilersimavunga akissutissallu taqqamanngaanniit pisarlugit. Imminut apeqqusertarunnaarnikuuvunga uannullu suna eqqortuunersoq aamma apeqqusertarunnaarnikuullugu. Siornatigut uannut peqqinnanngitsumik imminut aaliangersimasumik isigisarsimavunga, inuuneralu aamma peqqinnanngitsumik aaliangersimasumik isigisarsimallugu. Ullumikkut imminut akuerivunga naqqaninngaanniilu imminut ineriartortippunga. Inuit allat ilagileraangakkit atortorissaarutit pikkorissarnerminngaanniit atortarpakka imminut atassuteqarfigerliniassagama. Sulili ilinniarujoorpunga. Inuit qanigisakka ammasumik unneqqaarissumillu oqaloqatigisalersimavakka qujamasuppungalu ammaneq tatiginninerlu uannut takutinneqartoq. Seqineq arnanut aqqutigalugu atortorissaarutit pigilersimasakka atornerini misigisimamavunga imminut ataqqinerulersimallunga. Takulersimavaralugu uanga nammineq akisussaaffigalugu killiliisarnissaq, inuttut naleqartutut misiginera piuartinniarlugu. Taanna piginngikkaanni ajortumik ingerlaarusaarnarsinnaasarmat. Angajoqqaatut misigisimavunga atortorissartuinik tunineqarsimallunga meeqqat peqqinnarnerusumik perorsarnissaanut. Misigisimavunga massakkut nassuiaasarlunga ulluinnarni 'ajornartorsiutit' meeqqatut misigisartagaat qanoq qaangerniarneqarsinnaanersut. Misigisimavunga meeqqannut qanilaarnerullunga kissaatiginerpaavaralu meeqqakka aamma sakkussaqassasut imminut asanermut immunullu upperinermut. Aamma perorpata. Meeraqqamut nassuarniarsarisarpara, fysiskemik killilersuisut inuttut naleqarnermut attuumassuteqanngitsoq. Nassiuaattarpara meeqqap nammineerluni inuunererusutani pilersissagaa. Kaammattortarpara imminnut ilinniarluaqqullugu. Tassuuna atortorissaarutit pingaaruteqarsimaqaat aamma tassuuna ikiorneqarsimaqaanga. Kikkunnut tamanut Seqineq arnanut innersuuppara tamattami nuannersumik inuuneqarnissarput aammalu immitsinnut peqqinnartumik atassuteqarfiginissarput pingaarami. Qujamasuppunga Lea'p suliaanut nalunngilaralu inuppassuarnut nuanarsuarmik iluaqutaajumaartut.
- Ivinnguaq.
Hej. Peqqissiminngisaannarpunga seqineq arnanut pikkorissaqataanikuugama 2021-mi. Sunniutai massakkumut suli ineriartorput, kiisalu meditationit iluaqutigersuaarlugit assut. Peqqinnartunik eqqarsaateqarnissara pingaartikkiartuinnavippara.
- Rita.
Pikkorissarnerup imarisaata nalinga 4.500 DKK.
Akia 1699 DKK.
600 DKK sipaarutigiuk:
Seqineq Wellness Studiokkut ilaasortaaguit 600 DKK sipaarutigissavat ilanngukkuit. Rabatkode Seqineq Wellness Studiokkut alakkarsinnaavat, imaluunnit emaili ilaasortanut nassiunneqarnikoq ammarlugu Rabatkode tassuuna nassaarisinnaavat.
Qulequttat sammisassagut nammineerlunga itisuumik suliarisariaqarnikuuakka, qamungarujussuaq qiviarlunga, imminut aallaavigalunga ineriartorlunga, imminut atassuteqarfiginera peqqinnartuutikkumallugu.
Kingumut qiviassaguma eqqaamaqaara inuunera allaanerujussuugallarmat. Ullut tamaaviisa misigisimasarnikuuvunga qimarratigineqarsinnaanngitsumik:
Kamassaqarneq.
Aliasunneq.
Sinnganeq.
Naammanngitsut misigineq.
Imminut naleqartinnanga inuuneq.
Inoqatikka peqqinnartumik akuuffigisinnaanagit.
Uumisunneq.
Unittooqqasutut misigisimaneq.
Imminut ajukkunneq.
Imminut nuannarinnginnerujussuaq.
Imminut ataqqinnginnerujussuaq.
Taamannak misigininnut peqqutaaqataasut amerlapput, tamarmillu tunngaveqarput meeraaninni, inuusuttuuninni inersimasunngoriartorninnilu misigisimasanni. Ilisimaqqissaarparali aamma peqqutaa annerpaartaa tassaammat, uanga nammineq imminut atassuteqarfiginera peqqinnanngitsuusimammat, akisussaaffimmik tigusisimannginnera aammalu minguitsumik qamuuna imminut toqqammavilersorsimannginnera.
Misigissutsit qulaani taakkartukkakka ilisarissagukkit qularinngilara illit aamma peqquteqartumik taamannak misigisaravit.
Paasinikuuara nammineq ineriartorninni aammalu inuit allat sullittarnerini,(coaching aqqutigalugu) qanoq pingaaruteqartiginersoq paasinissaa, sooq "taamannak" misigisimanerluta, aatsaallu taanna inissereeraangatsigu, iluamik ingerlariaqqinneq pisinnaalertartoq, inuunerpullu tassanngaanniit ilusilersorsinnaalertarlutigu, pisimasuninngaanniit pituttorneqarneq iperarsinnaalertaratsigu, oqinnerusumillu pigiliussisinnaalertarluta.
Nammineerlunga massakkut inuuneq atorusutara atorpara, minnerunngitsumillu inuuneq nuannarisara ullaat tamaasa makiffigisarlugu, qamuuna oqitsunnguatut misigisimasarlunga, sorpassuartigullu suli qanilliartorlugu inuuneq uannut isumaqarluartoq. Inuunera allanngoriartorsimavoq aammalu inuuneq uannut isumaqarluartoq piviusunngoriartorsimavoq, imminut peqqinnartumik atassuteqarfigilernissara ulluinnarni suliniutigisalerakku eqqarsartaatsikkullu ineriartulerama. Allannguisinnaanermi aatsaat aallartittarpoq nammineq allanngoraangatta namminiussuserpullu qanilligaangatsigu.
Nammineerlunga peroriartornera imaannaasuusimanngikkaluartoq upperaara qanorluunniit ikaarsaarfeqarsimagaluarutta, nammineerluta nukik qamaniittoq nukittorsarsinnaagipput, ineriartorsinnaalluta inuunerpullu nammineq ilusilersorsinnaagipput. Uagut nammineq apeqqutaaginnarpugut.
Ulluinnarni allannguinngikkutta, ileqqunik nutaanik pigiliussinngikkutta, eqqarsartaatsit nutaat appakaaffiginngikkutsigit inuuneq allanngornavianngilaq.
Inuttut naleqartutut misiginngikkutta inuunererusutarput orninnaveernarsissaaq, misigisimassagatta piumasarput uagut nammineerluta angusinnaanaviarnagu aammalu ungasittutut issalluni.
Immitsinnut asanngikkutta immitsinnullu paarilluanngikkutta asaneqarnissaq paarilluarneqarnissarlu avataani ujartortuassavarput. Immitsinnut asanngikkutta inuit allat uagutsinnut asanninnerat killilimmik isertittassavarput misigisimassagatta tunniunneqartoq uagutsinnut naleqqunngitsoq.
Immitsinnut tusarnaarsinnaanngikkutta, aqqut ingerlaarfigisarput tammartajaarfiusutut issaaq aammalu "kukkusumiittutut" misiginartassalluni, nalussagatsigu sunarpiaq uagutsinnut eqqortuunersoq.
Nalunngilluinnaqqissaarpara qanoq annernartiginersoq inuunermi unittooqqasutut misigisimaneq, imminut asanani, qanoq annernartiginersoq imminut paarilluarsinnaanani, qanoq annernartiginersoq imminut tusaasinnaanani, qanorlu annernatiginersoq naleqanngitsutut misigineq.
Ukiut qulit matuma siorna Anaanaga Diana Kleist annaavara alianangaartumik toqunneqarmat aapparinikuusamininngaannit . Imigassat atornerluinerillu akornanni peroriartornikuuvunga taamaammat ilisimaqqissaarpara "toqqammavissaq" sunarpiaq "sanaartorneqassanersoq", imminut peqqinnartumik atassuteqarfigineq ineriartorfigerusukkaanni.
Uanga isumaqarpunga arnat timikkut tarnikkullu anersaakkullu persuttagaasarnerat akiorneqartariaqartoq aammalu akuerineqarsinnaanngilluinnaqqissaartoq. Qamanngaanniit kissaatigingaarpara arnat allat ikionissai, taamaammat Seqineq Pikkorissarneq aallaavigalugu imminut peqqinnartumik atassuteqarfiginerit nukittorsarumallugu tamaana ikiorusuppakkit.
Pikkorissarnerup imarisaata nalinga 4.500 DKK.
Akia 1699 DKK.
600 DKK sipaarutigiuk:
Seqineq Wellness Studiokkut ilaasortaaguit 600 DKK sipaarutigissavat ilanngukkuit. Rabatkode Seqineq Wellness Studiokkut alakkarsinnaavat, imaluunnit emaili ilaasortanut nassiunneqarnikoq ammarlugu Rabatkode tassuuna nassaarisinnaavat.
Imarititaasut:
Isiginnaagassat
Suliassat
Meditation
Atuagassat
Ilikkagaqarfigisassatit:
Qanoq imminut tusarnaarsinnaanerulersinnaavunga?
Qanoq imminut asaneq imminullu naammagineq inuuninni atuutsissinnaavara?
Tamarmik ataqatigiipput
Timerput.
Eqqarsaatigut.
Misigissutsigut.
Qanoq ingerlanneqassava?/Qaqugu aallartissava? Qaqugu naassava?
Nittartakkakkut ingerlanneqassaaq (ONLINE)
Imarititaasut atornialeraangakkit tamatigut nittartakkakkut isertertassaatit.
Pikkorissarnermut ilanngukkuit ingerlaannaq imarititaasut atorsinnaalissavatit qaammatini pingasuni. Ilanngunninniik qaammatit pingasunngorpata pikkorissarneq matoqqissaaq.
Seqineq Pikkorissarneq imarisai nammineq iluarisannik ingerlattassavatit piffisaq aaliangersimasoq atuutinngimmat. Piffissaqaraangavit piumagaangavillu ingerlattassavatit.
Seqineq Pikkorissarneq imarisai qulequttanut agguataarneqarnikuupput taamaammat immikkoortoq ataaseq naammassigaanni tullianut ingerlaqqittaassaatit.
Imarititaasut uteqattaarsinnaavatit nammineq pisariaqartitat aallaavigalugu.
+ Seqineq arnanut nuannarineqarluartoq arfineq marloriaq ingerlareerpoq. Imaritinneqartut nutarterneqarnikuupput taamaammat peqataareersimaguit suli pissarsiaqaatigilluarsinnaavat;
Meditationit pikkorissarnissamut tulluarsakkat
Pikkorissarnerup imarisaata nalinga 4.500 DKK.
Akia 1699 DKK.
600 DKK sipaarutigiuk:
Seqineq Wellness Studiokkut ilaasortaaguit 600 DKK sipaarutigissavat ilanngukkuit. Rabatkode Seqineq Wellness Studiokkut alakkarsinnaavat, imaluunnit emaili ilaasortanut nassiunneqarnikoq ammarlugu Rabatkode tassuuna nassaarisinnaavat.